المساعد الشخصي الرقمي

مشاهدة نسخة كاملة : رجاءاً لا تفكر تتزوج علي .... (قصة)

المبدع
02/09/2004, 08:18 PM
دخل رجال على زوجته وهي لاهيه وحايسه بالبيت وناداها :
هو : يافلانه <=== تراه يناديها باسمها مهوب ياهيش
هي : سم <=== بفتح السين وليس ضمها
هو : تعالي ابيك لوسمحتي
هي : وش عندك
هو : تعالي واعلمك
هي : ياحبيبي مشغوله اكوي ملابسك
هو : خلي الكوي وتعالي
هي : طيب
ثواني وهي جايه بلبس روعه وريحتها اروع وابتسامتها ماليه وجهها
هي : سم آمر حبيبي
ناظرها بابتسامه صفراء وقال : تراني اعرست عليك !!!!!
جلست على الكرسي وهي تناظره وقالت بصوت يرتجف وقالت : وش قلت ؟
هو : اقول تراني اعرست عليك ويالله قومي خوذي لك ملابس وروحي لاهلك كم يوم ابسافر انا وزوجتي الثانيه كم يوم وراجع !!!!!
ناظرته هي مصدقه ومو مصدقه وبدون سابق انذار هب في وجهها وقال قومي الان وحطي لك كم خلق ويالله تراني انتظرك بالسياره لاتتأخرين علي
طلع وهي تناظره الا مبققه عيونها دهشه من الخبر وحيره من اسبابه !!
دقايق معدوده وهي تفتح الباب وتركب معه وبصوت يكاد يختنق قالت : لو سمحت ممكن تجيب الشنطه ؟
نزل من سيارته واخذ شنطتها وحطها بالمقعد الخلفي .....شغل السياره وتوجه لبيت اهلها ....... شوي وهم واصلين للبيت

وصلوا البيت وقالها تفضلي انزلي ..... فتحت الباب ونزل قبلها واخذ الشنطه وجاء من عند بابها ومسك يدها وقالها : حبيبتي تراني مااعرست عليك ولاهم يحزنون بس ترا ابوك مات !!!
7

7

7

7


هي بدون شعور قالت :
7

7


أشواااااااااااا

منقووووووووووووووووووووووووووووووول من البريد
أبو رياض
02/09/2004, 08:23 PM
موت ابوه اهون من زواج الثانية

والله حريم هذا الزمن ....
المبدع
02/09/2004, 08:56 PM
يا اخي مساكين لا تلومهن

يمكن ابوها مريض ولا فيه مشكلة <<< يدور عذر

والله استغفر الله ترى فيه ناس رجاجيل ويسوون اشد من كيذا موب عشان سالفة زوج تزوج يمكن هاذي تستاهل
لكن على سيارة ولا بيعة ارض يسوي اشد

الله يصلح الحال بس
عاشق الجنان
02/09/2004, 09:35 PM
أشواااااااااااا ((ماتزوج عليها))

كسرت خاطري

تراني جداا جداا جدااا حساس ((ما يعرف يدلع))

المبدع يا أخي انت كلك ابداعات في ابداعاااات ((انتفخ))

كثر من ابداعاتك
ابوسيف
02/09/2004, 10:21 PM
والله ما عنده سالفة صفقها في وجها في الأولى والثانية

لو أن المرأة طفة(ماتت) ولحقة ببوها كان ما سوت عليه

و تكفى يالمبدع هد اللعب ترى عاشق الجنان حساس مايتحمل حرام عليك!!!!

مشكور على هذا الإبداع يا المبدع
ناصرالدين
03/09/2004, 02:51 AM
الله يكفينا شركم يالحريم
مشكور
بو مالك
03/09/2004, 03:29 AM
آمين الله يكفينا شرهم
ناصرالدين
03/09/2004, 03:48 AM
والله يكفينا شركم يا الرجال((ههه)):p
أبو رياض
03/09/2004, 03:51 AM
الله يكفينا شركم يا التماسيح
أبو الحارث
04/09/2004, 11:03 AM
الله يرحم نساء زمان كانت هي تزوج الرجال

بارك الله فيك يالمبدع
أبو الوليد
06/09/2004, 03:55 AM
هههه


تسلم يا المبدع .
السمو
17/09/2004, 10:42 AM
لو سويتها مع ام عبدالرحمن يمكن تقول فيها ...........كذا وكذا

قصة روعة .........بعد ما قطع قلبها المسكينة ....لابسة احسن لبس وتكوي ملابسه وسم حبيبي

اظن طول عمري مراح تجتمع لي